pali lon open pi
musi Utalaki li musi li pali tan jan Akita. musi ni la sina ken moli e monsuta ike mute, li ken kute e kalama musi wawa mute.
musi Utalaki li pona MUTE tawa mi! tenpo poka la, mi ken ala pini musi e ona! mi wile toki e ALE pi musi ni, taso mi toki suli la luka mi li kama pakala. mi toki e ijo mute taso.
o esun e musi ona lon esun Sin! o esun e kalama musi ona lon esun Pankan!
jan pona mi tonsi Wawa en telo Anpawe li toki pona e musi Utalaki tawa mi. ona li toki e ni lon tenpo mute la mi open musi lon tenpo poka taso. jan pona ona li pona mute tawa mi ❤️
musi mute la, mi ken ala musi e ona tan kiwen musi suli :(. taso, musi ni la, mi ken lili e kiwen musi! musi nanpa wan la mi musi e ona kepeken nasin kiwen lili mute. mi kama jo e ken pona pi musi ni la, mi ken suli e kiwen musi (suli lili taso - mi awen ken ala).
nasin musi pi musi ni li pona mute tawa luka mi! sina musi e ni la, sina sona kin.
musi ni la, sina ken:
musi pi utala mute li kipisi musi pi musi Utalaki. musi pi utala mute li musi pi pini ala, pi monsuta kama sin, pi utala mute. sina musi e ni la, sina wile kama sin e monsuta pi nanpa suli. mi la, monsuta kama sin sewi mi li nanpa mute wan (21). tenpo suno ale la, mi alasa sewi e ni.
sina ken ala ken moli e monsuta mute tan mi? sina ken ala ken sewi e nanpa pi monsuta kama sin mi? o toki e ni tawa mi! (nasin toki li lon lipu wan mi)