kulupu linluwi Tesa li pakala e linluwi 3G ona la, mi wile (pi wile mi ala) kama jo e ilo toki sin.
tenpo pini poka la, mi jo e ilo toki Sansan Kalasi S10+ kepeken sona lawa ilo Lineja OS. sona lawa ilo ona li ken ala kepeken e ilo linluwi IMS la, mi ken ala kepeken ilo toki ona lon tenpo pi pakala pi linluwi 3G. ni la, mi wile kama jo e ilo toki sin.
wile ni li ike tawa mi. mi wile e ni: ilo toki Sansan Kalasi S10+ li pona tawa mi lon tenpo mute mute.
ni la, mi esun e ilo toki Pise 7 pi sin ala. (mi wile ala esun e ilo sin)
mi jo e ijo pona pi ilo ni! ilo tawa lili ona li pona tawa luka mi; lipu sitelen ona li pona kin; ona li jo e lawa ilo pi kute (ona li ken pana e sona pi kalama musi kute tawa mi!); mi ken kepeken linluwi 5G kepeken ona... ni li ale?
nanpa wan la, mi ken ala pana e poki sona SD tawa ona! mi jo e sona MUTE lon ilo mi, taso mi ken ala pana e ale tawa ilo sin ni tan ken ala ni.
nanpa tu la, ona li SULI A. ona li jo e nena SUULLII lon anpa pi ona! nena ni li jo e ilo sitelen mute, TASO, ilo sitelen ona li ken lili! ilo toki Sansan Kalasi S10+ la, ilo sitelen li lili a! ona li jo e nena *lili* lon anpa pi ona.
nanpa tu wan la, (ni li pakala mi lili) lipu sitelen ona li ike tan ilo pi kulupu ona! lipu sitelen pi ilo toki Pise 7 suli li ken pana e sitelen sin kepeken tenpo lili lili a. lipu sitelen pi ilo toki ni li ken pana e sitelen kepeken tenpo lili taso.